【釀酒師的故事．𝐂𝐚’ 𝐃𝐞𝐥 𝐁𝐫𝐚𝐝𝐨創辦人(下集) - 將葡萄注入啤酒的靈魂】
意大利人嘅生活離不開葡萄酒——餐前、餐後、工餘、渡假，品酒才是正經事。意大利人釀啤酒，仲駛問嘅？梗係要將葡萄入酒啦！
要形容意大利係一個葡萄園之國，實不為過。意大利造酒有超過4000年歷史，至今擁有545個葡萄品種。意大利嘅造酒歷史令釀酒師有絕對嘅先天優勢。意大利有超過800間精釀酒廠，每一間酒廠可能總有一個葡萄庄園喺左近！釀酒師同葡萄庄園嘅關係密切，有過百個葡萄品種做試驗，釀酒師可以親身體驗不同品種嘅細微味道差別，更可以輕易試盡擁有不同風土條件嘅葡萄品種；難怪佢哋釀嘅意大利葡萄愛爾(Italian Grape Ale)釀得出色到啤酒評審認證都要喺2015年將佢加入啤酒風格指南(BJCP Style Guideline)嘅「本地風格」附錄！
釀出色IGA嘅酒廠，Ca' Del Brado絕對係其中嘅表表者。以佢哋嘅Û 𝗯𝗮𝗰𝗰𝗮𝗯𝗶𝗮𝗻𝗰𝗮為例，用上來自有機葡萄酒庄(biodynamic winemaker)Gradizzolo嘅Grechetto Gentile白葡萄連皮浸漬發酵，連同酒香酵母(Brettanomyces Lambicus)加入酒桶陳釀6個月。
呢隻IGA點解唔止係普通Wild Ale咁簡單？答案源自「葡萄連皮浸漬發酵」呢個步驟！唔少有機葡萄釀酒師都相信葡萄酒嘅味道主要來自葡萄皮，葡萄皮除咗令啤酒加添葡萄果味同單寧(tannin)之外，葡萄皮上嘅酵母進一步將剩餘糖份轉化為酒精，令啤酒更加乾爽，感覺就好似飲緊一杯白酒！當然，佢亦都唔止係一杯白酒咁簡單，酒桶陳釀令啤酒散發獨有嘅橡木味，連帶酒香酵母獨特嘅醋酸、果酸味，令Û 𝗯𝗮𝗰𝗰𝗮𝗯𝗶𝗮𝗻𝗰𝗮成為一隻完美嘅葡萄、啤酒結晶品——邊個話魚與熊掌，不可兼得？
Brewcraft架上淨返非常非常少量Û 𝗯𝗮𝗰𝗰𝗮𝗯𝗶𝗮𝗻𝗰𝗮咋，要試吓咁特別嘅意大利啤酒風格就要快啦！🏃
📸：特別鳴謝Ca' Del Brado提供所有靚相！
#PowerToTheBeerDrinker
