【尋找𝐁𝐫𝐞𝐰𝐜𝐫𝐚𝐟𝐭的故事・自釀啤酒工作坊導師 - 𝐊𝐞𝐧𝐧𝐞𝐭𝐡 𝐓𝐬𝐚𝐧𝐠】
為興趣、為興趣，興趣可唔可以當飯食㗎？
「夠食就得啦！做精釀啤酒呢行未必可以大富大貴，但每日都可以對住我鍾意嘅嘢，呢個係錢買唔到返嚟嘅！」
Kenneth入行近乎6年，做咗Brewcraft自釀啤酒工作坊導師都有4年之久，佢話入呢行完全係因為佢「被寵壞嘅舌頭」：「細個嘅時候喺紐西蘭讀咗十幾年書，喺大學開始飲精釀啤酒；可能喺紐西蘭飲得好嘢太多，返到嚟香港發現好難先搵到好飲嘅啤酒。」Kenneth話當時香港嘅精釀啤酒仲未好似而家咁普及，要捐窿捐罅先搵到好啤飲，「嗰時啱啱畢業，仲未知自己想做咩工，有日忽發其想——我咁鍾意啤酒，點解唔深入虎穴，入行等自己可以日日飲到好啤？」
返工同人飲吓酒、傾吓計，聽起嚟好似好爽皮，但Kenneth話要達到專業水平、成為可以教人釀酒嘅導師，佢都花咗唔少工夫，「當年要考啤酒評審認證試，都真係唔容易！不過要考到專業認證同受過培訓，先有資格教人㗎嘛！」
「自釀啤酒工作坊嘅美妙之處，係可以凝聚一班喜歡飲啤酒嘅人，一齊飲吓啤酒、講吓啤酒、學吓釀酒。」Kenneth教咗班咁耐，都依然好享受上堂與同學仔嘅互動，「最開心嘅係見到上堂嘅同學仔好放鬆、又好投入，大家唔相識都可以打成一片，唔怕醜問問題，上堂嘅氣氛輕鬆但係又有啟發性，鼓勵大家學新嘢。」
Brewcraft嘅自釀啤酒工作坊，每個月都座無虛席，但每一個成功嘅工作坊背後，都有一個默默耕耘嘅導師。想向Kenneth學吓釀酒、同佢講吓啤酒經？約埋班friend子一齊報名上堂啦！
工作坊日曆：請按我
報名方法：Facebook / IG inbox我哋，或者電郵至info@hkbrewcraft.com
#BrewToShare #BrewNowDrinkLater
