【尋找𝐁𝐫𝐞𝐰𝐜𝐫𝐚𝐟𝐭的故事・改變𝐒𝐮𝐜𝐫𝐞一生的啤酒】
飲過嘅啤酒咁多，今日飲完聽日都唔記得啦！但小編相信，每個人都曾經遇過一隻非常難忘，甚至驚天地、泣鬼神嘅啤酒；飲完唔單止令你打咗一大個冷震，仲完全影響你嘅一生！
小編故仔癮又發作，周圍去問人關於佢哋最驚天動地嘅啤酒故事；今次訪問對象就係Brewcraft店長——Sucre！
究竟係咩啤酒影響到你一生咁厲害？
「（吸大口氣）Omnipollo嘅Bianca Blueberry Blackberry Raspberry Strawberry Maple Pancake Lassi Gose！」
嘩個名咁長嘅😨！你同呢隻啤酒係點樣邂逅㗎？
「有日喺Brewcraft返返吓工，黃師傅 @fatfat328 咁啱講開呢隻酒，話佢係一隻痴L線嘅啤酒，飲完會令我畢生難忘，『blow your frigging mind』咁話喎！🤯」
咁你飲第一啖嘅時候有咩感覺？
「痴L線！個頭真心爆咗。有乜理由啤酒係可以咁嘅味？無論係香氣同埋味道都同平常飲開嘅啤酒唔同。『莓果』、『楓糖漿』、『奶昔』、『甜品』呢啲字我根本完全聯想唔到同啤酒有關，但呢隻啤酒又真係所有嘢都飲得出喎！」
呢隻酒改變咗你啲咩？
「佢令我大開眼界！喺加入Brewcraft之前我其實比較少接觸啤酒，自己都係飲開威士忌（我係Talisker粉絲！）。開頭嘅時候未好認識啤酒，唔知道原來啤酒係咁千變萬化，一啲都唔悶、唔單一。呢隻啤酒真正打開咗精釀啤酒嘅一扇門，而家可以話係返唔到轉頭啦！我仲成為咗Omnipollo Bianca Series嘅粉絲添！🙌 」
你拎住嘅又係咩啤酒？
「Omnipollo Bianca Series有非常多個同樣精采嘅版本，我手上呢罐係Guava Mango Lassi Gose，唔同嘅係加咗芒果同番石榴，但都係有豐富奶昔味，口感棉滑，好似食緊甜品一樣！Brewcraft有得賣㗎！😉」
聽完Sucre嘅故事，你有冇諗返起自己遇過嘅驚天地、泣鬼神啤酒呢？得閒上嚟Brewcraft同我哋講吓故仔啦！（可能下個尋找𝐁𝐫𝐞𝐰𝐜𝐫𝐚𝐟𝐭的故事主角係你！）
#PowerToTheBeerDrinker
